Mesfushori shqiptar i Kombëtares së Greqisë, Panajot Kone, nuk e mohon origjinën. Tashmë është kthyer në modë në rrjetet sociale, teksa pozohet duke formuar shqiponjën me bashkimin e dy duarve. Kësaj nuk i ka rezistuar as 27- vjeçari që aktivizohet në Itali me Udinezen. Ashtu siç duket edhe në foto, Kone, bashkë me një tifoz shqiptar, bëjnë me duar simbolin kombëtar të origjinës së tij. Futbollisti i lindur në Tiranë shpreh dashurinë e tij për kombin e tij, mirëpo prej vitesh ai përfaqësohet me fanellën e Greqisë. Pak javë më parë, Kone u bë protagonist, duke tentuar të godasë me grusht lojtarin e Serbisë, Matiç, gjatë një ndeshjeje miqësore

Pa kaluar tri ditë pushim, skuadrat e Superiores gjendeshin sërish në veprim, duke u detyruar t’i përveshin mirë mëngët në aspektin fizik. Në mesjavë (e mërkurë dhe e enjte) u luajt java e tretë, që u shoqërua me dhunën e madhe mes tifozërive në Shkodër, ndërsa këtë të diel u konsumuan sfidat e javës së katërt. Në orare të ndryshme, por brenda ditës, dhjetë skuadrat e elitës së futbollit ezauruan edhe këtë “stacion” të garës. Startin e ngriti dueli mes Kukësit dhe Partizanit, që u vendos në fundin e lojës nga një goditje e bukur dënimi prej sulmuesit serb, Racic, i cili u dha të tijve fitoren e dytë radhazi dhe të parën në transfertë. Të mundësh për pak ditë kampionët dhe nënkampionët e vendit në fuqi nuk është pak, cka tregon se “demat e kuq” janë ambicioz dhe e kanë lënë pas fillimin e vështirë të garës.
Tirana i falet Debatik Currit, në kohë shtesë, i cili shënon golin e tri pikëve, që vlejnë kreun. Verdhebluve u ik nga duart barazimi për 60 sekonda kohë, duke mbetur sërish të fundit dhe pa asnjë pikë. Vllaznia befason vlonjatët në shtëpi, duke u rrëmbyer një barazim pa gola. Një pikë në transfertë tregon rritjen e skuadrës kuqeblu, ndërsa Flamurtari ka bërë në njëfarë mënyre hap fals. Dy pikët e lëna para tifozëve të vet e lënë skuadrën e Gjokës dicka pas pretendentëve për momentin, megjithatë kohë ka për të rikuperuar. Natyrisht, duke ndryshuar për mirë, sidomos në finalizim, ku caloi më shumë Flamurtari në sfidën e javës së katërt.
Dy ndeshjet e darkës, të luajtura nën dritat e prozhektorëve në Fier dhe Durrës, nuk kanë dhuruar gola. Dy barazime të bardha janë fiksuar, duke përmbyllur kësisoji javën e katërt të Superiores.

Superiorja, Java 4
TEUTA-LAÇI  0-0
TEUTA: Rizvani, Krasniqi, E.Hoxha, R.Hoxha, Kotobelli, Hodo, Deliallisi, Shabani, Koreshi (Fall 65′), Peposhi (Nika 58′), Pepa (Magalhaes 71′). Trajner: Hasan Lika
LAÇI: Vujadinoviç, Doku, Buljan, Sheta, Sefgjini, Zefi, Teqja (Sefa 66′), Ndreca, Bilibashi (Bardhi 36′, Memelli 78′), Cetkoviç, Xhejms. Trajner: Armando Cungu
KARTONË TË VERDHË: Peposhi 39′, Hodo 56′, R.Hoxha 58′, Nika 69′/ Zefi 43′, Bardhi 51′, Memelli 84′
GJYQTARE: K.Meta, R.Avdo, D.Rexha (Tiranë)

APOLONIA-SKENDERBEU  0-0
APOLONIA: Cakoviç, Nako, Atanda, E.Xhafa, Kaja, Dosti, Gërxho, Karakaçi (Broshka 69′), Hysenshanaj (Mitraj 11′), Rajkoviç, Canka. Trajner: Elidon Demiraj
SKËNDERBEU: Shehi, Radas, Osmani, Vangjeli, Arapi, Shkëmbi, Lilaj, Berisha (Abazi 74′), Progni, Peter, Ribaj (Martins 63′). Trajner: Mirel Josa
Kartonë të verdhë: Kaja 52′/ Arapi 26′
GJYQTARE: Blerim Ziri/ E.Veseli dhe Sh.Ziri                 

TIRANA-ELBASANI    2-1
GOLAT: Bushiç 10′, Curri 94′/ Kaçuli 45′
TIRANA: Frashëri, Kërçiku (Hyshmeri 56′), Muça, Curri, Malaj (Pashaj 75′), Karabeci, Bulku, Taku, Kagere (Olaki 65′), Bakaj, Bushiç; Trajner: Gugash Magani.
ELBASANI: Kotorri, Pisha, Jaupi, Gava, Basriu, Martins (Shazivari 76′), Malindi, Toçi, Bylykbashi (Çota 9′), Kaçuli, Hila (Tahirllari 58′); Trajner: Muharrem Dosti.
KARTONË TË VERDHË: Taku 54′, Pashaj 86′, Olaku 90′, Curri 94′/ Kaçuli 18′, Gava 89′
KARTON I KUQ: Bakaj 91′
GJYQTARET: K.Kola, R.Malaj (Vlorë), R.Çokaj (Lezhë)

FLAMURTARI-VLLAZNIA    0-0
FLAMURTARI: Xhelilaj, Arbri, Mendez (A.Shehaj 93′), Veliu, Mici, Muzaka, Telushi, Vucaj, G.Lika (Lena 60′), Gilberto (Abilaliaj 77′), Gelazhvili. Trajner: E.Gjoka
VLLAZNIA: Selimaj, Gocaj, Sykaj, Mehmedoviç, Boci, Dema, Shtubina, Tafili, Hajdari (Kalaja 75′), Kruja (Cioffi 88′), Soza (Beqiri 80′). Trajner B.Raineri
KARTONË TË VERDHË: Dema 20′, 85′, Telushi 26′, Mendez 39′, Soza 60′, Tafili 68′, Cioffi 95′
KARTON I KUQ: Dema 85′(2v)
GJYQTARET: K.Cjapi, I.Tartari, O.Grabova (Fier)

Goli: Racic 88′
Gjyqtarë: L.Jemini, G.Qirici, E.Barushi

Partizani vuan, por e nderon serbi Racic
Në “Zeqir Ymeri” u luajt ndeshja hapëse e javës së katërt të Superiores, e cila u vendos në fundin e lojës (88’), kur serbi Racic ktheu në gol një goditje dënimi mbi vijën e zonës së 16-metrave të Kukësit. Tri pikë të cmuara për “demat”, që tashmë futen në vallen e pretendentëve, pas startit jo të mirë të kampionatit. Dy fitore radhazi ndaj kampionëve dhe nënkampionëve të vendit janë shumë domethënëse për vijimësinë e Partizanit. Skuadra e Duros e sheh veten në kuotën e 7 pikëve, aq sa kanë edhe verilindorët e Shaqirit, por edhe Tirana.
Ndeshja - Kukësi është treguar më këmbëngulës, ka krijuar disa raste të volitshme për shënim, ka tronditur edhe traun e portës së Alban Hoxhës. Ky i fundit, së bashku me qendërmbrojtësin Rrahmani, ishin dy lojtarët që bënë diferencën te të kuqtë, ndërkohë që skuadra e Duros vijoi të shfaqej konfuze dhe pa kreativitet. Repartet nuk lidhen ende si duhet me njëri-tjetrin, ndërsa sulmi mbetet larg pritshmërive. Sa i takon kronikës së lojës, rasti i parë i rrezikshëm vjen në portën e kryeqytetasve. Kemi tranversë në minutën e 19-të nga Lushtaku. Një minutë më pas, Pejic del i vetëm me portierin Hoxha, por ky i fundit i thotë jo golit të verilindorëve. Prapavija e kuqe tregon luhatje, vendoset gabimisht dhe i jep mundësinë Kukësit të rrezikojë seriozisht. Trajneri Duro i ka besuar sërish Vrapit në qendër të mbrojtjes, që bën disa gabime në spastrimin e zonës dhe nisjen e ofensivës për të tijtë, ndërsa Trashi ka zënë vendin e kapitenit Nexhipi, i ulur në stol. Në kahun tjetër, Artim Shaqiri ka bërë vetëm një lëvizje në krahasim me sfidat e kaluara. Durrsaku Dosti aktivizohetnë vend të shkodranit Hasani.
Hysa lëshon një predhë në drejtim të portës së kuqe, në minutën e 24-t, por Hoxha sërish tregohet shpëtimtar. Trajneri Duro bën zëvendësim të shpejtë në minutën e 32-të. Fazlliu i zë vendin Shabanit.  Nuk rresht së sulmuari skuadra nënkampione, por vuan në finalizim. Palët shkojnë në pushimin 15-minutësh në barazpeshë, pa gola të shënuar. Kukësi e nis pjesën e dytë pa sulmuesin e vet kryesor, Pero Pejic. Ai ulet në stol dhe zëvendësohet nga Edon Hasani. Vendësit kanë një “marsh” më tepër tashmë, teksa e mësyjnë portën e Partizanit. Terreni është bërë shumë i rrëshqitshëm nga shiu që ka rënë, ndaj zotërimi dhe qarkullimi i topit vështirësohet ndjeshëm. Hallaci lëshon një silur në minutën e 57-të, nga rreth 25 metra, por topi kalon ngjitur me trekëndëshin e Hoxhës. Në anën tjetër, Halilaj nuk është vënë ende në provë.
Duro heq nga loja edhe një tjetër lojtar me fantazi e teknikë në zotërimin e topit, si Mazrekaj, duke hedhur Mustafën. Lëvizje këto që tregojnë qartë synimin e të kuqve: për të dalë pa u mundur nga kjo transfertë e vështirë. Dhe në fakt tërë lojën me këtë qasje e ka luajtur Partizani, përderisa goditjet në drejtim të portës kuksiane mund të numërohen me gishtat e njërës dorë. Ajo e Bathës, në minutën e 83-të, ishte më e rrezikshmja dhe mund ta kishte shokuar Kukësin. Por fati e donte që të kuqtë ta zhbllokojnë rezultatin në minutën e 88-të, pas një goditjeje denimi mbi vijën ballore të 16-metrave. Serbi Racic ekzekuton mjeshtërisht dhe e dërgon topin në rrjetën e Halilajt. Nuk ka më kohë për kuksianët, që e shohin veten të mundur, edhe pse kanë dominuar dukshëm në lojë dhe raste.
Curri shpëton Tiranën “in extremis”, frenohet Flamurtari
Vllaznia po kthehet në një skuadër transferte. Ajo duket se ua ka marrë dorën bregdetarëve, sepse pas Teutës në Durrës, me të cilën fitoi 1-0, kësaj here ka frenuar në shtëpi vlonjatët e Ernest Gjokës. Barazimi pa gola në stadiumin “Flamurtari” ka lënë të kënaqur kuqeblutë, të cilët vinin në këtë transfertë pas atij momenti të rëndë dhune mes tifozëve në stadiumin e saj, në mesjavë. Një pikë që tregon formën në rritje të skuadrës së Rainerit, ndërsa kuqezinjtë e përforcuar ndjeshëm në merkaton e verës nuk po gjejnë ekulibrat. Kjo vlen si për formacionin, që ndryshon nga ndeshja në ndeshje, si për vijueshmërinë pozitive rezultative, që mungon. Për një pretendent si Flamurtari, pikët e lëna në shtëpi dëshmojnë problematikë, sidomos po të kemi parasysh rastet e shpërdoruara në portën e Selimajt. T’i shënosh tri herë Apolonisë para pak ditësh dhe të “të ngecë sharra në gozhdë” me Vllazninë, do të thotë se mungon ende kolaudimi i grupit dhe harmonizimi i reparteve.
Befasues shfaqet deri në minutën e 92-të Elbasani në stadiumin e boshatisur “Qemal Stafa”, kur e ka parë veten nga “Parajsa” në “Ferr”. Debatik Curri u ka bërë gjëmën verdhebluve në kohën shtesë, duke evituar hapin fals të të tijve, pak a shumë sikurse vëri Ervin Bulku në “Loro Borici”. Elbasani u shfaq krejt ndryshe pas disfatës shokuese pararendëse me Teutën. Humbja në shifrat 5-1 në Peqin, katër ditë më parë, sikur nuk kishte ekzistuar për verdheblutë, që kanë gjetur forca t’i kundërvihen skuadrës së Tiranës, edhe pse me shumë sforco. Vecse në stolin e miqve kësaj here ka qenë Dosti, jo File, me këtë të fundit të dorëhequr. Në anën tjetër ka marrë një fitore tepër të vuajtur Tirana e Maganit, duke ruajtur kësisoji edhe kreun e Superiores pas javës së katërt, me 10 pikë. Mungesa e tifozëve bardheblu, si pasojë e vendimit të Disiplinës, është ndier shumë te lojtarët në fushën e blertë. 24 herë kampionët e vendit kaluar të parët në epërsi me Tomislav Bushic, por Kaculi i ka barazuar shifrat 1-1 në fundin e pjesës së pare. Në pjesën e dytë kemi pasur një dialog të gjatë të sulmeve të vendësve dhe mbrojtjes së miqve. Goli ka ardhur atëherë kur askush nuk e mendonte, në minutën e dytë shtesë, me autor Debatik Currin. Kujtojmë se në këto dy ndeshje janë akorduar edhe dy kartonë ë kuq. Dema ka lënë Vllazninë me një lojtar më pak në minutën e 86-të, ndërsa Bakaj s’e ka mbyllur deri në fund me Tiranën, së cilës do t’i mungojë edhe javën e pestë.

Dy ndeshjet e darkës, barazime pa gola
Dy ndeshjet e darkës, të luajtura nën dritat e prozhektorëve në Fier dhe Durrës, nuk kanë dhuruar gola. Dy barazime të bardha janë fiksuar, duke përmbyllur kësisoji javën e katërt të Superiores. Skënderbeu kampion konsumon sfidën e dytë radhazi pa fitore: pas humbjes me Partizanin, nuk shkon më larg se barazimi në “Loni Papuciu”. Apolonia dëshmohet sërish kockë e fortë në fushën e vet, duke u përballur denjësisht me kampionët e vendit në fuqi. Te korcarët është rishfaqur sërish problemi i finalizimit, cka tregon se sulmi i Josës nuk po funksionon si duhet. Sidoqoftë, 7 pikët që ka aktualisht në klasifikim, e pozicionojnë Skënderbeun në të njëjtën “gjatësi vale” me Flamurtarin, Partizanin dhe Kukësin.
Laci merr barazimin e tretë në katër javë kampionat. Kësaj here në “Niko Dovana”, duke frenuar durrsakët e Hasan Likës në momentin e tyre më të mirë. Kujtojmë se para pak ditësh, Teuta fitonte thellë ndaj Elbasanit, 5-1, duke dhënë përshtypjen se do të vijonte në këtë rrugë. Megjithatë, edhe pse ka luajtur në fushën e vet, skuadra durrsake nuk e ka superuar dot kundërshtarin e radhës, me potencial dhe një prapavijë të pakalueshme. Bardhezinjtë nuk e njohin ende fitoren në këtë kampionat, një start jo i dëshirueshëm për trajnerin Armando Cungu, por kujtojmë se kanë sfiduar pretendentë realë për titull deri më tani, sikurse ishinPartizani dhe Kukësi.

Shtubina ka shënuar golin e Vllaznisë që nga goditja e këndit në minutën e 18-të, ndërsa Ervin Bulku ka barazuar “in extremis”, në minutën e katërt të kohës shtesë. Vec dy rrjetave, kjo përplasje ka pasur edhe shumë momente të tjera kulmore. Nga të cilat, dy herë është ndërprerë ndeshja, si pasojë e irritimit të tifozërive. Në rastin e parë janë hedhur sende të forta në fushë (shishe plastike dhe ndenjëse të stadiumit), ndërsa në rastin e dytë nuk është kursyer as presidenti i Tiranës, Refik Halili. Ai është goditur me dicka në fortë në kokë kur po mundohej të qetësonte situatën, duke u gjakosur. Gjithcka nis pas një momenti të diskutueshëm në zonën e Vllaznisë në minutën e 76-të, kur Bakaj ndërpritet nga kapiteni Beqiri. Kryeqytetasit kërkojnë te gjyqtari penallti, por lushnjari Alla nuk është i këtij mendimi. Kontestimi kalon në shkallët e stadiumit, aty ku ndodhet tifozëria bardheblu, e cila kërkon tërheqjen e skuadrës nga fusha. Dhe kështu ndodh për gati dhjetë minuta, kur trajnerë, drejtues e lojtarë të 24 herë kampionëve të vendit mundohen të paqtojnë mbështetësit e tyre. Mision tepër i vështirë ky, edhe me ndihmën e policisë. Sidoqoftë, pas dhjetë minutash rrëmujë, kur u godit në kokë edhe Refik Halili, ndeshja rifillon me të njëjtin temp e grintë nga të dyja palët. Ervin Bulku do të kurorëzonte djersën e të tijve në limitin e gjithckaje, duke mposhtur në minutën e katërt shtesë të pakalueshmin Selimaj. Përplasjet e tifozërive kanë vijuar edhe pas ndeshjes, përreth stadiumit, ku forcave të rendit u është dashur shumë punë për të evituar ndonjë “Vaterlo” të vërtetë. Tifozët e Tiranës ishin në qendrën e shënjestrës së tifozëve vendas, të cilët i qëllonin me gur nga jashtë statdiumit. Të detyruar, tifozët kryeqytetas u futën në fushën e lojës, por edhe aty kishte tifozë vendas që tentonin t’i sulmonin, ndërkohë që aty shikoheshin fare pak policë. Mësohet se ka pasur jo pak të lënduar.
Ndeshja –  Klasikja e futbollit shqiptar, Vllaznia-Tirana, ka rikthyer në numër të shumtë tifozët në shkallët e “Loro Boricit”. I ashtuquajtuyri “lojtari i 12-të” ka qenë një mbështetës i fuqishëm i të dyja skuadrave, por sikurse thamë më lart ka krijuar mjaft problematika në vijimësi të lojës. Antagonizmi është i lartë në tapetin e blertë dhe në shkallët e impiantit sportiv shkodran që në vërshëllimën e parë të kryesorit Laver Alla e deri në fund. Tirana vinte në transfertën e parë për këtë kampionat e plotë, me 6 pikë, pas fitoreve me Apoloninë dhe Flamurtarin, ndërsa Vllaznia e relaksuar disi pas suksesit pararendës në Durrës. Pra, në planin psikologjik, të dyja palët ishin në ditë të mirë. Skuadrat mbartin elementë cilësorë në përbërjet e tyre, sidomos ajo bardheblu, por në këtë supersfidë të luaftuar fort ka vendosur ai gol i Ndriqim Shtubinës, realizuar direkt nga goditja e këndit. Ka qenë pikërisht minuta e 18-të, kur mesfushori kuqeblu do të adresonte për krosim këndoren, e cila ka marrë një trajektore të cuditshme, duke përfunduar në rrjetën e portës së Frashërit. Hezitim i pafalshëm i mbrojtjes kryeqytetase, që ishte e angazhuar në mbulimin një për një të kundërshtarit, por edhe i portierit të Tiranës. Stadiumi shpërthen si një vullkan, kuqeblutë janë në delir. Gjithsesi, reagimi i 24 herë kampionëve të vendit është i fuqishëm. Ata arrijnë ta spostojnë lojën në gjysmëfushën e vendësve, por vuajnë në finalizim. Kagere, Bushic e të tjerë shpërdorojnë raste mjaft ideale për t’i barazuar shifrat. Portieri Selimi bëhet shpëtimtar i të tijve me pritjet spektakolare. 45 minutat e para mbyllen me epërsinë minimale të shkodranëve. Fraksioni i dytë nis me ndryshime te Tirana. Magani hedh menjëherë në lojë Ervin Bulkun, që kishte pësuar lëndim gjatë grumbullimit me kombëtaren. Ofensiva e Tiranës është e furishme. Sulmet nuk kanë të sosur drejt kuadratit kuqeblu, por sërish sulmuesit kryeqytetas nuk e kanë shënjestrën e duhur. Vllaznia tërhiqet disi pas, edhe e detyruar nga presioni i lartë bardheblu, por nuk harron të dalë shpejt në kundërsulm. Kruja dhe debutuesi uruguajan Sosa mbahen nën mbikqyrje të rreptë nga Curri e Muca, gjithsesi, duke mos lejuar ndonjë rrezik tjetër serioz për Frashërin. Kalimi i minutave e rrit presionin te lojtarët në fushën e lojës, por edhe në tribunat e tifozërisë. Në minutën e 68-të hidhen shishe plastike, ndizen tymuese dhe ka fyerje në kor, ndaj ndeshja ndërpritet për gati 6 minuta. Tirana nuk pajtohet kurrsesi me disavantazhin, ndaj nuk e heq “këmbën nga gazi”, ndërkohë që Bulku i ka dhënë tjetër frymëmarrje mesfushës kryeqytetase. Raineri fillon të mendojë për mbrojtjen e rezultatit, ndaj bën lëvizjet e duhura, duke shtuar forca në prapavijë.
Ndërpreja - Në minutën e 76-të, Tirana tërhiqet nga fusha e lojës. Trajneri Magani i fton lojtarët e tij të mblidhen te stoli i skuadrës së tij, ndërkohë që tensioni te tifozëria bardheblu është tepër i madh. Ata kanë pretenduar për një penallti në dëm të Bakajt, pas ndërhyrjes së kapitenit Beqiri, një emër të cilës kontestojnë me të gjitha mënyrat. Policia mundohet të vendosë qetësi në pjesën ku ndodhen tifozët kryeqytetas, ashtu sikurse bën edhe Magani e donatori Refik Halili, që ka zbritur nga tribuna e “Loro Boricit”. Ky i fundit është goditur në kokë në këtë moment, ndaj i është dashur stafit mjekësor ta fashojë. Ervin Bulku ka lënë fushën e blertë dhe është futur mes tifozëve bardheblu për të shuar sadopak gjakrat, gjë e cila është bërë e mundur pas gati 10 minutash. Loja rifillon dhe Kagere shënon në portën e Selimajt, por anësori ka ngritur më parë flamurin për pozicion jashtë loje. Lojtari në fjalë gjendet i vetëm përballë Selimajt në kohën shtesë, por portieri kuqeblu është sërish i pakalueshëm, heroi i vërtetë për të tijtë në këtë ndeshje me shumë tension deri në minutën e katërt shtesë. Në limit të gjithckaje, Ervin Bulku ka arritur të shënojë e të barazojë, duke evituar humbjen në transfertën e parë të këtij kampionati.

TE PLAGOSUR DISA TIFOZE DHE 4 POLICE
Mësohet se janë plagosur disa tifozë dhe 4 policë. Policët e plagosur janë Pjeter Bungaja, Gjergj Dodani, Tahir Lekndreaj dhe Agim Lokja, ndërsa mësohet se ata u transportuan me urgjencë në spital. Blutë e Shkodrës kanë qëlluar në ajër me armë për të shpërndarë tifozët, por kjo ka qënë e kotë pasi raportohet se sherri është zhvendosur edhe jashtë stadiumit. Tifozët kanë thyer xhama e kanë dëmtuar makina të shumta, ndërsa policia në pamundësi për t’i shpërndarë ka futur brenda stadimit tifozët e Tiranës, me shpresën se do të largohen tifozët e Vllaznisë. Pas 20 minutash situata është normalizuar.

VLLAZNIA: DËNOJMË DHUNËN, TIFOZI YNË RËNDË
Për ngjarjen ka reaguar edhe Klubi i Futbollit Vllaznia. Administriatori Neritan Kalamishi ka dënuar dhunën në stadium duke u shprehur se një situatë e tillë ka mbizotëruar eDhe në ndeshjen e prillit. “Dënojmë dhunën në stadium. Edhe në ndeshjen e prillit ka pasur të tillë atmosferë. Kemi marrë masa që para ndeshjes, prandaj kërkuam praninë e policisë dhe ambulancave. E kishim parashikuar një situatë të tillë”, – shprehet ai.
Më tej, Kalamishi shton se një një tifoz i Vllaznisë ndodhet në gjendje të rëndë.

NIKOLLA: KY TURP NUK DUHET TË PËRSËRITET MË
Për incidentin mes tifozëve në Shkodër ka reaguar edhe ministria e Arsimit dhe Sporteve, Lindita Nikolla, e cila shprehet se dhuna nuk ka asnjë lidhje me sportin. “Ajo që ndodhi gjatë ndeshjes Vllaznia-Tirana në stadiumin “Loro Boriçi” është një turp për të gjithë ne,” – thekson Nikolla në reagimin e saj në Facebook. Sipas saj, “dhuna nuk ka asgjë të përbashkët me sportin. Dhuna nuk ka asgjë të përbashkët me dashurinë për sportin dhe për futbollin”.
Ajo në postimin e saj kërkoi marrjen e masave për të mos ndodhur më ngjarje të tilla. “Masa urgjente duhet të merren pa neglizhuar asnjë përgjegjësi! Ky turp nuk duhet të përsëritet më!”

POLICIA: AUTORËT E DHUNËS PARA PËRGJEGJËSISË
Policia e Shtetit ka reaguar e një deklaratë për situatën e tensionuar të krijuar në stadiumin ‘Loro Boriçi’ të Shkodrës por edhe jashtë tij ku u përleshën tifozët e Tiranës dhe Vllaznisë.
“Situata në stadiumin e Shkodrës tashmë është normalizuar. Në sajë të ndërhyrjes së forcave të policisë u bë i mundur parandalimi i përshkallëzimit të mëtejshëm të situatës, duke e normalizuar atë, megjithëse pati të lënduar nga forcat e policisë. Strukturat e Policisë së Shtetit kanë ndërmarrë të gjitha masat për identifikimin e vënien para përgjegjësisë ligjore të autorëve të akteve të dhunës”, – thuhet në deklaratën e policisë.
Po sipas Policisë së Shtetit do merren masa edhe për organizatorët e këtij aktiviteti.

FSHF DENON DHUNEN E SHKODRES
Federata Shqiptare e Futbollit, e shqetesuar per ngjarjet e renda te ndodhura ne ndeshjen e javes se trete te Kampionatit kombetar te Superliges, Vllaznia-Tirana luajtur ne stadiumin “Loro Borici” te qytetit te Shkodres, kerkon ti beje me dije opinionit publik dhe mediave te interesuara se: Denon ashper cdo akt te dhunshem, i cili demton lojen dhe prish imazhin e futbollit. Federata Shqiptare e Futbollit garanton se te gjitha organet e drejtesise sportive, mbeshtetur ne rregullore, do te denojne energjikisht veprime te tilla. Institucioni i futbollit shqiptar do te kerkoje mbledhjen e tyre dhe marrjen e vendimeve sa me shpejt te jete e mundur.
Federata Shqiptare e Futbollit kerkon nga Policia e Shtetit qe te marre masa te forta per te siguruar mbarevajtjen normale te ndeshjeve te futbollit. Pa nderhyrjen e saj profesionale, organizatoret e ndeshjes e kane te pamundur te kontrollojne veprimet e dhunshme neper stadiume. Per kete arsye, ajo kerkon nderhyrje energjike nga ana e Policise se Shtetit per te frenuar te gjitha aktet e dhunshme te cilat vetem prishin imazhin e futbollit. Policia dhe Prokuroria duhet te ndalojne shkaktaret e kesaj dhune dhe ata te denohen sipas ligjeve ne fuqi. Nuk mund te penalizohet futbolli per hir te disa individeve te dhunshem dhe te papergjegjshem.
FSHF kerkon edhe nga sportdashesit, qe te distacohen nga veprime te tilla te dhunshme, qe s’kane asnje lidhje me lojen e bukur te futbollit, por vetem e shkaterrojne ate.

Shqipëria dhe kombëtare të tjera europiane luajtën kualifikueset e para në grupe për Europianin e vitit 2016, në Francë. Sajti prestigjioz “Goal.com” ka përzgjedhur edhe top-ekipin më të mirë pas ndeshjeve të para eliminatore. Sikurse shihet, në këtë ekip janë përfshirë edhe dy lojtarë nga kombëtarja shqiptare, e cila mundi në fushën e vet Portugalinë, me eurogolin e Bekim Balajt. Mërgim Mavraj dhe Taulant Xhaka janë pjesë e formacionit më të mirë, njëri në rolin e qendërmbrojtësit dhe tjetri të mesfushorit. Kujtojmë se Taulant Xhaka zhvilloi ndeshjen e parë me kombëtaren kuqezi