SHANCI I FUNDIT I TOMORIT PER NE SUPER LIGE ESHTE NDESHJA ME TERBUNIN :

Tomori ka vijuar me seancën e radhës stërvitore në Berat dhe tashmë është bërë ambientimi i lojtarëve me terrenin e ri ku po stërvitet ekipi. Përpara përballjes me Tërbunin, në një prononcim për “Panorama Sport”, kapiteni Gersi Arbri shprehet: “Do të luajmë përballë një ekipi që meriton respekt, pasi me meritë është në pozita të tilla. Personalisht këtë sfidë e shoh mjaft të fortë dhe kërkoj nga lojtarët e ekipit që të japim maksimumin e tyre. Në këtë takim duhet të jemi të impenjuar në maksimum, pasi jemi ende në lojë për një vend mes më të mirëve. Matematika na i mban gjallë shpresat tona dhe ne do të vijojmë të luftojmë për rikthimin në Superiore. Në këtë takim kërkoj përkrahjen maksimale të tifozerisë, pasi kjo sfidë është si një finale për ekipin tonë”.