TOMORI FITON NDAJ SHKUMBINIT DHE RENDITET I 4 TERTI

Tomori ka arritur të fitojë një takim të vështirë ndaj Shkumbinit në Berat, me golat e Myzyrit dhe të Shinkos. Në një prononcim për “Panorama Sport”, Mesfushori Berion Myzyri thotë: “Kemi arritur të fitojmë një takim mjaft të vështirë, pasi luajtëm përballë një ekipi të fortë edhe me traditë në futbollin shqiptar. Skuadra pati forcën të reagojë, edhe pse ishim në disavantazh gjatë pjesës së parë. Goli ishte fryt i lojës së shokëve, të cilët kanë bërë maksimumin. Ndihem i kënaqur në ekip dhe ky sezon ka qenë mjaft i mirë në aspektin personal, pasi falë besimit të trajnerit kam luajtur titullar në shumë takime. Ndodhemi në vendin e katërt dhe kjo është mëse e merituar”.
B.Dalipaj